శివ తాండవ స్తోత్రం

*శివ తాండవ స్తోత్రం*

జటాకటాహ సంభ్రమ భ్రమన్నిలింప నిర్ఝరీ

విలోల వీచివల్లరీ విరాజమాన మూర్ధని 

ధగ ద్ధగ ద్ధగ జ్జ్వలల్లలాట పట్టపావకే

కిశోరచంద్రశేఖరే రతిః ప్రతిక్షణం మమ 

ధరాధరేంద్ర నందినీ విలాస బంధుబంధుర

స్ఫురద్దిగంత సంతతి ప్రమోద మానమానసే 

కృపాకటాక్ష ధోరణీ నిరుంద దుర్ధరాపది

క్వచిద్దిగంబరే మనో వినోదమేతు వస్తుని 

జటా భుజంగ పింగళ స్ఫురత్ఫణా మణిప్రభా

కదంబ కుంకుమ ద్రవ ప్రలిప్త దిగ్వధూముఖే 

మదాన్ధ సిన్ధుర స్ఫురత్త్వ గుత్తరీయ మేదురే

మనో వినోద మద్భుతం బిభర్తు భూత భర్తరి 

సహస్ర లోచన ప్రభృత్య శేషలేఖ శేఖర

ప్రసూన ధూళి ధోరణీ విధూస రాంఘ్రి పీఠభూః 

భుజంగ రాజమాలయా నిబద్ధ జాటజూటక

శ్రియై చిరాయ జాయతాం చకోరబంధు శేఖరః 

లలాట చత్వరజ్వల ద్ధనంజయ స్ఫులింగభా

నిపీత పంచసాయకం నమన్నిలింప నాయకం

సుధామయూఖ లేఖయా విరాజమాన శేఖరం

మహా కపాలి సంపదే శిరోజటాల మస్తు నః 

కరాళ ఫాల పట్టికా ధగ ద్ధగ ద్ధగ జ్జ్వల

ద్ధనంజయా హుతీకృత ప్రచండ పంచ సాయకే 

ధరా ధరేన్ద్ర నందినీ కుచాగ్ర చిత్ర పత్రక

ప్రకల్పనైక శిల్పిని త్రిలోచనే మతిర్మమ 

నవీన మేఘ మండలీ నిరుద్ధ దుర్ధర స్ఫురత్

కుహూ నిశీథి నీతమః ప్రబంధ బంధ కన్ధరః 

నిలింప నిర్ఝరీ ధరస్తనోతు కృత్తి సిన్ధురః

కళా నిధాన బంధురః శ్రియం జగద్ధురంధరః 

ప్రఫుల్ల నీల పంకజ ప్రపంచకాలి మచ్ఛటా

విడంబి కంఠ కంథరా రుచి ప్రబంద కందరం

స్మరచ్ఛిదం పురచ్ఛిదం భవచ్ఛిదం మఖచ్ఛిదం

గజచ్ఛిదాంద కచ్ఛిదం తమంత కచ్ఛిదం భజే 

అగర్వ సర్వ మంగళా కళా కదంబ మంజరీ

రసప్రవాహ మాధురీ విజృంభణా మధువ్రతం

స్మరాంతకం పురాంతకం భవాంతకం మఖాంతకం

గజాంత కాంతకాంతకం తమంతకాంతకం భజే 

జయత్వదభ్ర విభ్రమ భ్రమ ద్భుజంగ మస్తురః

ధగ ధగ ద్వినిర్గమత్ కరాళ ఫాల హవ్యవాట్ 

ధిమిద్ధిమిద్ధిమి ధ్వనన్ మృదంగతుంగమంగళ

ధ్వని క్రమ ప్రవర్తిత ప్రచండ తాండవః శివః 

దృషద్విచిత్ర తల్పయో ర్భుజంగ మౌక్తికస్రజోర్

గరిష్ఠ రత్న లోష్ఠయోః సుహృద్వి పక్ష పక్షయోః 

తృణారవిందచక్షుషోః ప్రజా మహీమహేంద్రయోః

సమం ప్రవర్తయః మనః కదా సదాశివం భజే 

కదా నిలింప నిర్ఝరీ నికుంజ కోటరే వసన్

విముక్త దుర్మతిః సదా శిరఃస్థ మంజలిం వహన్ 

విముక్త లోల లోచనో లలాట ఫాల లగ్నకః

శివేతి మంత్ర ముచ్చరం సదా సుఖీ భవామ్యహం

ఇమంహి నిత్యమేవముక్త ముత్తమోత్తమం స్తవం

పఠన్ స్మరన్ భృవన్నరో విశుద్ధిమేతి సంతతం

హరే గురౌ సుభక్తిమా శుయాతి నాన్యథా గతిం

విమోహనం హిదేహినాం సుశంకరస్య చింతనం

పూజావసాన సమయే దశవక్త్ర గీతం యః

శంభు పూజనమిదం పఠతి ప్రదోషే 

తస్య స్థిరాం రథ గజేంద్ర తురంగ యుక్తాం

లక్ష్మీం సదైవ సుముఖిం ప్రదదాతి శంభుః

                     - రావణ బ్రహ్మ